Një i ri u plagos rëndë në sy me plumb gome sot gjatë protestës në Tiranë dhe më pas u transportua për në spital për ndihmë mjekësore.
Erjon Vishkulli, 28 vjeç, është dërguar në spital në gjendje të rënduar shëndetësore dhe i është nënshtruar ndërhyrjes kirurgjikale.
Ndërkohë një tjetër protestues ka mbetur i shtrirë në tokë, pa ndjenja, pas një përplasjeje me policinë, ndërsa në zonë ka mbërritur ambulanca për t’i dhënë ndihmën e nevojshme dhe për ta transportuar drejt spitalit.Sipas pamjeve nga vendngjarja, protestuesi është goditur me shkop gome nga një efektiv policie.
