Zgjerohet rrethi i personazheve të përfshirë në skandalin e videove intime me pamje nga studioja e kompozitorit Adrian Hila. Publikimi i përditshëm i materialeve komprometuese nga burime ende të paidentifikuara ka zbuluar detaje të reja mbi personat që shfaqen në këto regjistrime.
Së fundmi është identifikuar personi pa flokë që shfaqet në një prej videove me tre persona: ai është Demirali Haliti (i njohur si Demo Haliti), biznesmen shqiptar nga Maqedonia e Veriut dhe pronar i kompanisë “ALBA D.O.O.” me bazë në Slloveni. Haliti, i njohur në rrethet tregtare si importuesi ekskluziv i Konjakut “Skënderbeu” në Slloveni dhe si furnizues verërash premium në Tiranë, gëzon njohje të gjera në botën e biznesit, artit dhe politikës.
Sipas burimeve, Haliti mbante marrëdhënie të afërta shoqërore me kompozitorin Adrian Hila. Nga pamjet e regjistruara rezulton se Haliti ka pasur dyshime për praninë e pajisjeve incizuese përpara se t’i bashkohej Hilës dhe këngëtares E. A. Edhe pse biznesmeni vuri re një kamera të fshehur mbi tavolinë, Hila e ka shmangur shqetësimin e tij duke e siguruar se bëhej fjalë thjesht për një orë me alarm.
Gjithashtu, në pamje është identifikuar edhe biznesmenia D. B., e cila operon në fushën e menaxhimit të eventeve kulturore. Përveç njohjes shoqërore, burimet sugjerojnë se ajo dhe Hila gëzojnë gjithashtu lidhje financiare dhe sipërmarrje të përbashkëta të menaxhuara përmes personave të tretë.
Skandali merr një përmasë edhe më të ndjeshme me praninë e këngëtarit Gent Hoxha, i cili ka marrë pjesë në Edicionin e 61-të të Festivalit të Këngës në RTSH. Ndërsa Hoxha shfaqet me dëshirë në videot e xhiruara në moshë madhore, gazetari hulumtues Elton Tozaj ka ngritur pikëpyetje publike mbi natyrën e marrëdhënies midis Hilës dhe këngëtarit gjatë periudhës kur ky i fundit ka statusin e të miturit, duke pasur parasysh se rruga e tij artistike ka nisur që në moshën 6-vjeçare në spektaklin “Gjeniu i Vogël” ne vitin 2010.
Hetimi joformal i kësaj çështjeje hedh dritë mbi sjellje të përsëritura të regjistrimit të aktivitetit seksual pa pëlqimin e partnerëve. Ndërkohë që rrjedhja e informacionit vazhdon, materiale të reja që pretendohet se përfshijnë ish-banore të Big Brother VIP, moderatore, gazetare dhe figura nga politika kanë nisur të qarkullojnë në rrethe të ngushta, duke e thelluar më tej këtë skandal publik.
